صح وخطـــــأ .. من السلمي

[السلمي]

موضوع من كتاباتي واتمنى يعجبكم
وهي فكرة صح وخطأ وحاولت بقدر ما استطيع
نجعل فيها روح الفكاهه ونكهة الوناسة
واتركم مع الموضوع

.............

خــــــــــطأ :
عندما يصطدم بك أحد وأنت تمشي .. ثم تسقط كتبك ... ثم تأخذها وتمشي ..
وكل منكما يتأسف للآخر ...

الصـــــحيح :
تمسكه مع ثوبه ... وتصكه بالجدار .. وترفسه مع بطنه ..
وحبذا تنهيها بركبة وإلا كوع ... ثم ..
تقوله شيل الكتب .. ومرة ثانية فتح عيونك يالوح ..



خــــــــطأ :
تفتح الإشارة .. ثم يعلق يزمّر لك االي وراك ... ثم تطالع في المراية ...
وتلقاه يهاوش ومعصب .. ثم تلوح بيدك تتأسف ...

الصــحيح :
تنزل له بمفتاح العجل .. أو عجراء ... وتطق الدريشة عليه ... وأول مايفتحها ...
جرّه مع شعره ... واجلده لمين يقول العيد الليلة ... ثم ..
قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..



خــــــــــــطأ :
تدخل المحاضرة متأخر ... يقولك الدكتور اطلع برا يامهمل ..
ياللي فيك ومافيك ... ويصك الباب بوجهك .. ثم تروح حزين ...

الصــــــحيح :
تنتظره بسيارتك .. وأول مايحرّك لبيتهم .. حدّه على ماصورة ...
والا جدار ... والا حاول تخليه يصدم سيارة .. ثم ..
طلع راسك مع الدريشة ... واضحك ..



خـــــــــــــطأ :
جالسين أنت ومجموعة من الشباب ... وعندكم ببسي ... وطلعت تبي تغسل ...
فيقوم صديقك ويرج العلبه ... ثم تجي تبي تفتحه .. ثم يطيش بوجهك ...
ويضحكون عليك .. فتقول ... هههههه الله يرجك والله لارد لك المقلب ..

الصـــــــحيح :
تمسكه ... مع رجليه ... وتصبخه بالارض صبخ ... وتجيب قوطي ببسي ..
وترجه رجا مبرحا ... ثم تفتحه بوجهه ... ثم ..
تقوله لاصرت أخوك الصغير ... والا تمون علي .. نكّت معي هالتنكيت ...
وهالمرة بسمح لك عشان خاطر الموجودين .. والا تدري !! ...
ثم عفط وطعج العلبه... وحطّه بمخباته ... وقله لاتطلعه من مخباتك الا اذا رحنا ...



خـــــــــــــطأ :
تحلق عند حلاق ... ومتحمس تعلمه سو كذا ... وسوي كذا ... وهو يقولك ..
أنا في معلوم .. أنت بس ارتاح ... وتتركه ... وتلقاه حالقن نص شنبك ...
ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...

الصـــــــــحيح :
تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..
ثم .. قــــــــل بينك وبين نفسك ... ماعمري أحلّق عنده ...



خـــــــــــــطأ :
تمشي بالحارة .... مثلا رايح للمسجد ... ثم يجي بزر من هالبزراين ...
ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...

الصـــــــــحيح :
تاخذ لك بلكّه ... وتحلته عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وانه التزاماتك... همن ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بصيح ...



خــــــــــــطأ :
راكب سيارتك مستعجل ... وكل اشارة توقف عندها ... حتى الاشارات اللي مافيهن أحد ..

الصحيح :
حتى لو انت مب مستعجل ... اقطع الاشارة ... الاشارة حطوها للي مايعرفون يسوقون ...
ومب جزومين ...


خــــــــــــــطأ :
ساكن بالدور الأرضي ... وفوقك ساكن واحد ... وصارت الساعة وحدة ...
وأنت بتنام ... واللي فوق لجّه وصجّة ... ماتقدر تنام ... ثم تروح لمهم .. وتدق عليهم ...
وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة ..
ثم تقول .. الله يقطعهم ماخلوني أنام .. وتواصل للصبح ..

الصــــــــــحيح :
دق على محل ستالايات ... وقله نبيك تجي تركّب لنا الطبق بالسطح ...
ولاتنسى تجيب الدريل معك ... لأننا بنركب خمسة .. الليلة بس ..
ثم واصل للصبح ...


خـــــــــــــطأ :
متابع فيلم .. ومتحمس .. ثم يجي واحد من أخوياك ويغيّر القناة ..
بدون مايشاورك ... ثم تقوله ليش ياخي ماتشوفني متابع؟؟

الصـــــــــحيح :
صكه بالمركأ ... ولحقه ببياله والا طفاية ... وخذ منه الريموت .. بدون ماتكلمه ...
وحط فيلمك ... وتابعه بصدر رحب ...


..................

.
.
.

" ابو طيــــــــــــــف "

[وردة البستان]

ول ول ول .. شنو هذا يا السلمي ..؟ والله اجرام وانا اقول اللي يسوي كذا مجرم بلا حدود
عاد عجرة ولا بعد يصك خوييه ببياله ولا بطفايه لاااا هذا الاجرام بعينه وعلمه
لكن مشكور على هذا الموضوع