كلفتي عن نفسك يوم اتصلتي ؟؟

[الريم]

كلفتي نفسك حيل يوم اتصلتي ...

ماكان له داعي حقيقه اتصاك ..

سنتين خنتيني وعقب(ن)سئلتي ..

وش فايده عقب الخيانه سؤالك ..

على العموم بخير مهما فعلتي ..

مرتاح في شمسي ولابي ظلالك ..

بس الغريبه كيف انتي وصلتي ..

للحال هذا وصار هالحال حالك ..

وشلون من عالي مقامك نزلتي ..

في عين من طحتي من اول وشالك ..

لاتسكتي وشفيك يعني انخذلتي ..

عادي انا ياما خذلني وصالك ..

وكانك زعلتي وش يصير ان زعلتي ..

مشكلتك انتي هي مالي ومالك ..

الظاهر انك ناسيه ويش قلتي ..

ليه يوم اني كنت كلي حلالك ..

اجمل ليالي العمر بيدك قتلتي ..

طعنتي قلب اللي عنالك وجالك ..

ياليت يوم انك حكمتي عدلتي ..

ماكان قلبي شاف حب(ن)بدالك ..

هذي عمايل يدك اللي عملتي ..

جزاك من فعل(ن)عملتيه نالك ..

والحين في يدك ولاشي نلتي ..

غير التعب والهم ماشي طالك ..

بقول لك حاجه مدام اتصلتي ..

لاعاد عقب اليوم اشوف اتصالك

[asheqalreem]

كلمات رائعه يالريم

صح السان قائلها

ابدعتي والله شكرا لك...

[ريـّـانــة الإمــــارات]

الريـــــــم

قصيــــدة معبـــــــرة

شكـــــرا لك روعـــــة النقل

تقديري لك

[الريم]

يسلموووووووو مروركم غالي على صفحتي

[ورد جـوري]

.
.

الــريـــــم


صح لســان كاتبها ...

والله يعطيج العافيـــه .....

.
.


ممكن اعرف من كاتبها ..؟؟

<< يعني اتمنى التوضيــح في المــوضوع ...
.
.

[الشقـــــردية]

قصيده رائعه من اهل الذوق

سلمت يدا ك على ماخطته اناملك الرقيقة


تشكرااااتي

[كله منهم]

كلفتي نفسك حيل يوم اتصلتي ...

ماكان له داعي حقيقه اتصاك ..

سنتين خنتيني وعقب(ن)سئلتي ..

وش فايده عقب الخيانه سؤالك ..

على العموم بخير مهما فعلتي ..

مرتاح في شمسي ولابي ظلالك ..



صح السانك الــريـــــم

وسلمت اناملك قصيده جميله جدا

اختي لا تحرمينا من مشاركاتك القيمه

[الخيال]

كل يوم ادخل هالمنتدى اجـــد نفسي مجبراً على تصفحه بكامله

سئلت نفسي ليش

لأن فيه ناس تعشق الجمال وأنا واحـــد منهم

أعضاء المنتدى والمشرفين والمراقبين والقائمين عليه أرسل لكم أجمل التحايا

أما أنت أيتها الريم فأقول لك

إني أشاهدك وأشاهد العينان حينما تخطين هذه الكلمات حتى ولو لم تكن لك

فناقل العسل هو بالطبع متذوق له

الله لا يحرمنا من الجمال

اخوك خيال

[البرنس]

يعطيك العافية على ها الكلمات الرائعه

وتسلم ايديك