قصة درب المحبه من تأليفي قصه سعوديه حساويه - الجزء الثالث والعشرون

[المزيونة]

الجزء الثالث والعشرون
بيت بوحمد(بيت اهل ناديه)
ام حمد:يالله متى بنشوف اعيالك ياوليدي
حمد:يالله نبي همتك
سوسن:صج تبينه نخطب لك
حمد:ايه ليش لا
ام حمد:بكره ملكة عبير بنت بوبندر بندورلك وحده
حمد:اذ تحصل تصير من عائلة زوج ناديه
سوسن:بس باقي عندهم ثلاث
ام حمد:مين اللي باقي
سوسن:شهد بنت ام زياد ووفاء بنت بوخالد ومشاعل بنت بوبندر
حمد:المهم اللي تعجبك خطبوها
ام حمد:بكره سوسن روحي شوفي كل وحده بعد يمكن محجوزها
سوسن :انشاء الله
في اليوم اللي بعده
ملكة عبير
بيت بوبندر عفسه وقالبين البيت فوق تحت وفوضه وحوسه
العصر
البنات كلهم في غرفة عبير
بدر رسل لي وفاء رساله(تعالي الحديقه)
وفاء بتطلع
ساره:وين
وفاء ارتبكت:هااا بروح اشرب ماء
وطلعت راحت الحديقه
بدر:هلا والله بعمري
وفاء:هلا بيك مابي اتاخر
بدر:تعالي نطلع بس
وفاء:لالالالا ماقدر
بدر:مو على هواك
بدر سحبه وركبها السياره
وفاء تصيح :وين بتوديني
بدر:اشفيك انا ولد عمك وبعد كم شهر بصير زوجك
بعد ساعه
ساره اتصلت على وفاء
ساره:وينك
وفاء ارتبكت:هاا رحت البيت وبجي
ساره:بسرعه لاتتأخرين
وفاء :انزين باي وسكرت
وفاء:يالله ودني بيتكم بسرعه
بدر:اففففففف انزين
في المغرب الكل لبس وتجهزو
الجده:الف الصلاة والسلام عليك ياحبيب الله محمد
الكل:كلللللللللللللللللللللللللللللللللووووووووووش
ام بندر ترقص وتصيح من الفرح
وبعدين طلعت عبير من الغرفه والبنات وراها
ام بندر راحت حظنت عبير واهي تصيح
الكل قام يبارك لي عبير
عبير فرحانه حيييييل مااقدر اوصف شعورها
والكل يرقص الا اسماء
ام خالد:سارونه جلسي لا يطيح اللي في بطنك
ساره:يؤؤ توني في الاشهر الاولى
ام خالد:ايه جلسي
ام بندر:سمعي كلام خالتك وجلسي
ساره اجلست
وبعده بنص ساعه دخل عبدالعزيز
وظل واقف
ام عبدالعزيز:يالله تعال
عبدالعزيز لاحياة لمن تنادي
ام عبدالعزيز:عزيز عزيز عزيز
عبدالعزيز منبهر بجمال عبير
ام عبدالعزيز ضربته عبدالعزيز
عبدالعزيز:هلا
ام عبدالعزيز:اشفيك يالله امشي روح لي عبير
عبدالعزيز:يمه هاذي عبير
ام عبدالعزيز:ايه
عبدالعز يز:يمكن هاذي اختها
ام عبدالعزيز:هههههههه
عبدالعزيز:هاذي تقولين عمره 27هاذي عمره 19ولا 20
ام عبدالعزيز:انزين يالله تعال فشلتنه صار لك ربع ساعه واقف
عبدالعزيز:انزين
المعاريس يمشون على خفيف هو راح سرع خطواته
البنات يضحكون
بدريه كانت واقفه جنب عبير
بدريه:يؤؤؤ سحرتيها هاذي البدايه
عبير ستحت
وصل عبدالعزيز:الف مبروك يا عبير
عبير مستحيه:الله يبارك فيك
عبدالعزيز:شخبارك
عبير:بخير الحمد الله
عبدالعزيز:ماتبين تعرفين شخباري
عبير انحرجت:شخبارك
عبدالعزيز:بخير ياقمر
عبير استحت
ناديه تساسر الجده
ناديه:من الحين دوري لك بيت تجلسين فيه بيتي يتعذرك فهمتي ياام محمد
الجده:ليش يابنتي
ناديه:بس مليت منك واولادك كثار روحي عند أي واحد فيهم
الجده:انتي قايله تبين عيالك يتربون على ايدي وانا دافعه مبلغ
ناديه:اشلون اخلي عيالي يتربون على يد وصخه
الجده تصيح
ناديه:وفلوسك لو تبين فلوسك كان طالبتي ام خالد تعطيك فلوسك ولا بس احنا
جات ام بندر
ام بندر:اشفيك يمه تبكين
الجده:من الفرحه
ام بندر:حتى انا ودي ابكي من الفرحه
ناديه:الحمد الله والشكر وقامت عنهم
ام بندر:اشفيها هاذي
الجده:ماعليك منها يا بنتي
بعد ربع ساعه اطلعت الجده ولا احد شافها
طبعنا المعاريس راحو المجلس
الضيوف مشو ما باقي غير الاهل
ام زياد:وين امي
ام عبدالعزيز:وين راحت خالتي
ام بندر:ما ندري انا شايفتها قبل نص ساعه جالس على الكنب بس الحين مادري عنها
الرجاجيل اطلعو يدورن الجده
ام خالد:يمكن راحت بيتهم
ناديه:وين سويتها بيتها بيتي انا واهي ماعندها مفتاح اشلون تروح افففف

جنب بيت الجد القديم
كانت واقفه حرمه وتصيح
الجده:ياليت مابعت البيت
طلع راعي البيت
الرجال:نعم اختي ليش واقفه هنا
الجده:الحين بمشي
الرجال:انا من مساعه اطالعك من فوق وانتي جالسه تبكين اشفيك تبين أي خدمه
الجده:لا احسنت
الرجال:اجل لو سمحتي لا توقفين هنا
الجده:انشاء الله
وراحت الجده
في سيارة بو عبدالعزيز كان معها زوجته بيرحون بيتهم
ام عبدالعزيز:كانها هاذي خالتي
بوعبدالعزيز:صحيح؟؟؟
ام عبدالعزيز:الا هاذي هي
وراحت ام عبدالعزيز ركبتها السياره
ام عبدالعزيز:ليش طلعتي من البيت
الجده قالت لهم السالفه كلها وقالت لهم لا يفلون لس احد عن السالفه
بوعبدالعزيز:بيتي مفتوح لك
الجده:الله يعطيك العافيه
الكل عرف ان الجده بيت ام عبدالعزيز
يوم الثاني
في بيت طلال
طلال:انا بروح بشوف ليش امي راحت عند بوعبدالعزيز
ناديه:لاتغصبها على شي ماتبيه لو انه تبيك كان جات لنه بس يمكن تبي تغير
طلال:عدل كلامك
في بيت بو عبدالعزيز
كان اعيال الجده كلهم الا طلال موجودين
بوبندر:بيوت اعيالك موجودين وتروحين عند ام عبدالعزيز
ام عبدالعزيز:انا مو غريبه مثل ما اهي امكم امي بعد
بوبندر:انا ماقلت انتي غريبه بس احنا اوله فيها
الجده:لا انا بجلس عند ام عبدالعزيز
موسى:انزين تعالي عندي
بوزياد:انا قايلك بيتي مفتوح لك يا يمه
الجده:احسنتو بس انا بجلس عند بنتي ام عبدالعزيز
بوخالد:بس يمه احنا اغرب لك
ام عبدالعزيز:حتى انا غريبه لها واذ تبون تزورنها حياكم الله في أي وقت البيت بيتكم
في بيت بوحمد
حمد:ها يمه مين اللي عجبك
ام حمد:عجبتني وحده بس مو من اهل رجل اختك
بوحمد:مولازم تصير من اهل رجل ناديه
سوسن:هاذي قلت حق امي
حمد :مين بنته
ام حمد:اماني بنت بونايف ال........
بوحمد:والنعم
حمد:من يبه ماعرفهم
بوحمد:اللي اعياله نايف ونادر
حمد:ايييييه عندهم بنت!
ام حمد :ايه
حمد:حلوه
ام حمد:تجنن
حمد:صج متى بتخطبينها
الكل:هههههههه
سوسن:هههه اشفيك اول مره تتزوج
الكل:ههههههههههههه
ام حمد:بكلم امها الاسبوع الجاي
سوسن:الاسبوع الجاي بعد فيه ملكت قمر
في بيت موسى
موسى:مارضت تجي مادري اشفيها امي
بدريه:اكيد ندوي ملعوزتها وطلعت من البيت
موسى:اكيد
في بيت بو زياد
ام زياد:روحي دقي و باركي حق اختك
شهد:ليش اولدت؟؟؟
ام زياد+زياد:ههههههههههههه
ام زياد:الله يقطع بليسك توها في الشهر الرابع
شهد:اجل اشفيها؟؟؟
ام زياد:سكنت في شقه
شهد:واخيرا
في بيت بوخالد
ساره:الحين خالد طلع
عمار:شنو ناويه عليه بعد
ساره:خلاص مابي اطلع شقه بس بشرط
عمار:شنو
ساره:كم غرفه فيه تحت
عمار:ثنتين
ساره:بس وحده حق ابوك وامك وحده حق وفاء والطابق اللي فوق يصير لنه
عمار:تبين تظيقين على ابوي الحين اهم متوسعين عندهم جناح تبين تسكنينهم في غرفه
ساره:هاذي اهو سكنه في غرفه
عمار:انشاء الله حبيبتي بكلمه بس انتي ديري بالك على ولدي
ساره:انشاء الله يالله حبيبي روح الحين كلمه
عمار:بعدين
ساره:ليش مو الحين؟؟؟؟؟
عمار:انا الحين بطلع وبعدين اذ جيت اقوله
ساره:اوكيه
عمار:يالله باي عمري
ساره:باي
في الصاله
كانو الجازي والعنود جاين
وفاء:يؤؤؤ شنو هالزعاج
ام خالد:مايصير حلو البيت الا بالاطفال
وفاء:احنا عوس منزعجين والحين بعد علاوي وريم
العنود :ماسمعتي حسن شنو يقول
وفاء:شنو يقول
العنود:يبي اخو حق ريم
الكل:ههههههههههههه
ام خالد:وي عاد انتي توك والدها
العنود:يقول بعد شهرين
الجازي:ام انا زوجي يقول بعد 7سنوات
وفاء:ماظنه يصبر
نزل عمار في خاطره خلني اقول حق ابوي الحين احسن عشان افتك
عمار:السلام
الكل :وعليكم السلام
عمار:يبه بقيتك في موضوع
راحو المجلس
عمار:قاله كل السالفه
بو خالد:انا موافق بس بشرط
شنو تتوقعون الشرط
انتهى الجزء