شهااااااااااامة ملااااااااااااااام

[الأ لمعي]

ضيـف العيـن شوفي لك يطيـب المقـام

بيـن جـيـدك وخـدك للخـلي جـريـح

لجلك العـام الأول صـرت أحـب اللثـام

حـدر رمـش ضليـل وفـوق خـد مليـح

قبـل عينـك تسلـم بـدنـي بالسـلام

لا تخلـي غـلاهـا وانت سـاكـت يصيـح

في عيـونك ولو تزعـل شهـامة مـلام

والـرضـا كـل ما حـارب بها يستـريـح

انت لولاك عندي رخـص سعـر الكـلام

هـرج غيرك مكّسـر وانت هرجـك فصيـح

بيـن حـد النهـار وبيـن حـد الظـلام

احفـر القـبـر وادفـن بـه محـب ذبيـح

من غـلا غير عينـك ما طلبـت الغـرام

قلبـي بحـب غيـرك يا حبيبـي شحـيـح