راي الشاعر الرفيع في البنات

[أمـيـر^الأحـسـاس]

اخواني واخواتي في المنتدى اعجبتني هذه الابيات لشاعر يقول شعر طريف عن رايه بالبنات ....

هذا رأي االشاعر عبدالرحمن الرفيع في بنات 2002 -2003

هذا زمان المســـخره هذا زمان المســـــــــخره

جوال ومشيه بفشخره في وسط السوق متبختره
والكحله في وسط العيون والشفايف زود محمره
والصدر تتعمد تخليه مفتوح ما تزرره
هذا زمان المسخره هذا زمان المســـــــــخره
لو يسألها ذاك الفقير وين انتي رايحه يامره
جاه الجواب يبهدله وتقول كلام بيقهره
باروح السوق ابشتري فستان للحفله المزهره
وتروح الصاله كنها عروس مزينه ومعطره
وما ترجع الا في الصباح وتشيل الزينه الساحره
هذا زمان المسخره هذا زمان المســـــــــخره
اخر الشهر تقبض الراتب وتروح السوق وتبعثره
وتعير ذاك الفقير لو اني مثل غيري ما عشت واياك محسره
شوف فلانه وشوف علانه عايشين عيشه ميسره
فله جميله وسياره كشخه ماهو مثلك تركبني سياره مكسره
هذا زمان المسخره هذا زمان المســـــــــخره
لين استلمت ذاك التلفون تبمبع مثل البقره
واتحش في الناس هذا طويل وهذا قصير وحكيها كله مسخره
وفلانه اليوم مطلقه وفلان ماتت له مره
وكلامها أصلا ماله أساس بس هذره فاضيه وبربره
والوقت يسرع والهاتف يحسب أمواله تروح مهدره
هذا زمان المسخره هذا زمان المســـــــــخره
الله يرحم ذاك الزمان الحرمه فيه مستره
كانت تجلس ويا الاذان وتصلي لله وتشــــــــــكره
وتدعي للناس الطيبين بنفس طيبه وطاهره
هذا زمان المسخره هذا زمان المســـــــــخره
مو مثل بنات هذا الزمن تركب ويه الاجنبي بيدها روج ومنظره
وقصت الشعر أخر موديل كأنها ديك منفوش جناحه وعرعره
والعبايه تحطها على الكتف حتى الشعر ماتستره
ولو تقول لها هذا حرام قالت كلامك كله دندره
كلامك كله ما يعني لي شيء أني فتاه متطوره
لا يخدعونك بأسم حضارة هالزمن آخرتها تالي المقبره
وآخر كلامي بالصلاة على النبي واياه العترة الطاهره


الله يستر اخاف البنات يقطوووني برع المنتدى :D
بس والله مو انا اللي قايله :D

[مجنونة احساس]

الصراحه إنه صادق MoonDark

لكن هذه القصيدة لا تشمل جميع الفتيات

والحمدلله نسبتهم في مجتمعنا لا تصل إلى

الأغلبية إنشاء الله بالعكس هناك الكثيرات

العاقلات والمحافظات والمحترمات

واللي من جد أهاليهم عرفوا كيف يربوهم

أما المقصودات بالقصيدة ... أعتقد إن فيهم

نقص من البدايه وتربيتهم مش ولابد

وغلطانة اللي تقول إن كل هالمسخره

تسميها موضه وحضاره وانفتاح كإنه محد

عقليته متنوره غيرها ..

اللهم اهدي فتياتنا إلى جادة الصواب

وأحسن خواتيمهم وأحفظهم

....

( لاتنسى أن هناك أيضا ً فئة من الشباب

قلت أو كثرت .... لديها أساليبها الخاصة

في المسخره والفشخره والضيق والمشخلع والمدلع

وقصات الشعر والصبغات ....... إلخ المسخره لم

تشمل فقط البنات )

http://layla554.jeeran.com/يعطيك%20الف%20عافيه.gif

دمت لي بسعادة

[البرنس]

الله يعطيك العافية وتسلم ايديك

اوافق مجنونة احساس بالراي

[((**همســه**))]

الشاعر عبدالرحمن رفيع من الشعراء المعروفين بقصائدهم الجميلة الساخرة :)

شكرا MoonDark على النقل الجميل

[وردة البستان]

انا اوافق مجنونه رايها ..
وكل كلامها صح ..
ويسلمووووووو الف مون دارك ..

تقبل ارق واعطر التحايا
وردة البستان ..

[غريب علي باب الرجاء]

انا اوافق مجنونه رايها ..
وكل كلامها صح ..
ويسلمووووووو الف مون دارك ..

تقبل ارق واعطر التحايا
وردة البستان ..
اوافقكم الراي