رواااائع أبو بندر ( خالد الفيصل )

[المجروووح]

السيد المشرف العام على منتديات ثواني سأفتح هذا الموضوع لنجمع فيه ماستطعنا من شعر

أمير الريشة والقلم صاحب السمو الملكي الأمير خالد الفيصل

آملا منك تثبيت الموضوع وراجيا من باقي الأعضاء التفاعل ومن لديه أي قصيده للشاعر

أن يدونها في هذا الموضوع ليكون مرجعا لنا ولكل زائر يريد أن يروي عطشه من بحور شعر

أبو بندر

وأبدأ أنا بأول قصيدة في الموضوع

ركب الاغراب

في غربتي عارضت انا ركب الاغراب ********* أشد وانزل والليــــــالي ركـــايب

أضداد واقران وعدوان واصحـــــــاب ********** متناقضات ت الخلق ماغاب غايب

وقامت تجاذبني على درب الاسباب ********** نفس الشباب يحدَّها عقل شـــايب

أصبح على فجر ضحوك وعـــجَّاب ********** وامسي على همسات ستر العجايب

واسهر مع تهويم نجمات الاحباب ********** حتى يصير النجم بالصبح ذايــــــــــب

مشيت في رمضا وسنَّدت بهضاب ********* وعارضني سيول وهبت هبــــــــــايب

وامسيت في صحرا وقيلت في غاب ******** ومن طاول الغربات شاف الغرايــــــب

مرتني الدمعه بها الوجد مـــــــاذاب******** في غربة الاشواق راحت ذهايــــــــــب

ومرتني البسمه تِقِلْ فوقها حجاب ******** وراك خجلى يارسول الحبـــــــــــــــايب

والحب مرِّيته غريب على بــــــاب ******** عقب القصور امست بيوته خرايـــــــــــــب

بغيت اسلي خاطره عقب ما شاب ******* لقيت ماله بالتسلي طلايـــــــــــــــــــــــــب

أقفى مع المقفين وجلٍ ومرتاب ******** على عقوق الوقت بالحيل عايــــــــــــــــــب

في غربتي مرّيت رَجْلي وركَّاب ******* أرزاق من رب الخلايق وهايــــــــــــــــــــب

[السلطان]

لـــــــوعـــــة العـــاشـــــــق

قالوا لي العب قلت ما نيـب لاعـوب
إلا مـزوحٍ عنـد صافـي الجبيـنـي

الاعبه و افرح إلـى صـرت مغلـوب
و اشوف و جهه لـى غلبنـي يزينـي

و اطرب على ضحكه و هو حيل طروب
و انادمه فـي لحظـة أحلـى سنينـي

حبيبي اللـي كـل مـا فيـه محبـوب
ترخص له الدنيـا و مـا كـان فينـي

اللي يجيني كـل مـا غـاب لاهـوب
أونـس حـرارة لاهبـه فـي كنينـي

و كني على غيره من الناس مغصـوب
و كـن العمـر ياقـف بليـا ظنينـي

و اصير بين يديـن الأيـام مقضـوب
و الليل يجلـد بالسهـر مـوق عينـي

يضحك بي الشامت إذا قلت ما أتـوب
و يحزن صديق العمـر ممـا يجينـي

ليته يغطـي لوعـة العاشـق الثـوب
و إلا عيونـي مـا تبـيّـن حنيـنـي

و إن كان تعذيـب المحبيـن مكتـوب
علـى عـذاب الحـب ربـي يعينـي

[المجروووح]

أشكرك أخي السلطان على القصيده الرااااائعه

وأشكرك ألف شكر على تثبيت الموضوع

[ريـّـانــة الإمــــارات]

أيمــــــــن

يسلموووووووو

وأنا اضيف هالقصيدة اللي تعجبني كثير كثير

فدوة عيونك لو غدت روح مغليك ... وش عاد لو راحت لعينك عشاير
أبيع ما يغلى على الكون واشريك ... واسوق لى جتني علومك بشاير
وازعل جميع الناس بالحيل وارضيك ... واصبر ولودارت علي الدوايــر
واخذ من ايـامي لك ايام واعطيك ... وان راح عمري لك فلا هو خسـاير
أحــب أنا شوفك وصوتك وطاريك ... دايم وفكري فيك هايم وحاير
بالصمت أهوجس بك وبالصوت أناديك ... والله عليم البينة والسراير
أنــا وقلبي والهوى بين أياديك ... عندك مفاتيح الهنــا للضماير
من روحي أحــبك ومــن روحي أفديك ... يا من غرامــه والحســن فيه ثاير

تقديري لكم

[المجروووح]

مشكوره ريانه لتجاوبك السريع

واحب اضيف هذي القصيده

عزَّ القصيد

عزَّ القصيد وزاعلتني حـــــــروفه ****** من يوم غاب اللي قصيدي مخـاويه

غابت به الدنيا وخلَّت طيـــــــوفه ****** عزّي لمن مثلي زمانه يعاديــــــــــه

عقب الملاقى بس بالقلب اشوفه ****** وعقب المناجى بس بالفكر انا جيه

كلامي وشوفي لغيره حســوفه ****** من غيره يخاوي غريبي واخــــاويه

يالوعة المشتاق تصفق كفوفــه ****** لين التفت ماشـــاف بالدار غالــــــيه

كنّ العيون بكل شينْ مْحَذوفــــه ****** والقلب كنّ جموع الايام ترميـــــــــه

تسابقتني من زماني سيوفـــــه ****** تجرح مْرادي في حياتي وترميـــــه

ياعونة الرحمن وين النكوفـــــــه ****** لين انتحى الخفاق وش عاد يثنــــيه

مارحت ادور عند خلي مروفـــــه ****** ما يرحم الاّ الله فلا شك مغليــــــــــه

[المجروووح]

قصيدتي منك مجروحه
اخلفتني واختلف شعري
يا ونتي منك مبحوحه
لو ما طلع صوتها عذري
ذي رايتي منك مطروحه
طرحتها وانت ما تدري
شف دمعة الشوق مسفوحة
والوجد في ملحها يسري
مواجع القلب مفتوحه
داريتها واحترق صدري
حمامه الوصل مذبوحه
يا خوفتي قبرها قبري

[ملاك نجد]

http://www.w6w.net/upload2/18-11-2005/w6w_2005111803471291edc2b1.gif http://www.w6w.net/upload2/18-11-2005/w6w_20051118040451ff4d70de.gif http://www.w6w.net/upload2/18-11-2005/w6w_20051118040518f3d205b3.gif
.
.
http://www.w6w.net/upload2/18-11-2005/w6w_200511180405460b43a4a4.gif .. أيمن.. http://www.w6w.net/upload2/18-11-2005/w6w_200511180405460b43a4a4.gif
ابدعتـ حين فتحتـ الموضوع الرائع..
ولايسعني سوي شكركـ..
.
.
ووضع قصيدتي المفضلهـ للشاعر المتميز..
- - خـالـد الـفـيـصـل- -
.
.
...(غرتنـيـ الايـامـ)..
غرتني الايام باقبالها يوم
اثر النكوفه عند الايام عجلهـ..
جتني لياليها على دف ونغوم
اثر الليالي بالغرابيل جزلهـ..
فرحة نهار عقبها ليل وهموم
من يوم جذ البعد محبوب وصلهـ..
فرقا الضحى تسهل على باقي القوم
لكن على الـخلان ماهيب سهله..
ماهمني بعد المسافات معلوم
لا شك بعد القرب للصب قتلهـ..
راعي الهوى من راحة البال محروم
قربه و بعده نـار ماينعرف لهـ..
عز الله اني في ظبي نجد مغروم
راعي العيون اللي مع الزين خجلهـ..
من حبهم كني من الحب مظلوم
ونفسي عليهم ياهل العرف وجلهـ..
.
.
بنتظار جديدك..
.
.
كن بخير..
.
.
http://www.w6w.net/upload2/18-11-2005/w6w_200511180352494e421599.gif
.
.
http://www.w6w.net/upload2/18-11-2005/w6w_2005111803471291edc2b1.gif http://www.w6w.net/upload2/18-11-2005/w6w_20051118040451ff4d70de.gif http://www.w6w.net/upload2/18-11-2005/w6w_20051118040518f3d205b3.gif

[ريـّـانــة الإمــــارات]

ومعكم نواصـــــــل في ابداع الشاعر " دايم السيف "

اون ورياح الليالى تونى
والبرد فى جوفى كما الغار خاوي
ما كن لى عقل ولا قلب كنى
جذع وقف فى وجه الايام مداوي
بي عبرة محبوسة تمتحنى
فى عينى وحلقى وصدري شكاوى
وبي من قديم الوقت جرح مكنّي
وبي من جديد ايام وقتي مكاوي
ان قلت هانت خالف الوقت ظنى
وان قلت زانت عاجلتنى بلاوي
اجامل ايامى ولا جاملنى
هامت بى الدنيا هيام الخلاوي
والوقت جاير والليالى اسهرنى
والحزن ما بين الضلوع متلاوي
أون وكل(ن)يحسب انى اغنى
عليل وكل(ن)يحسب انى مداوي

مع تحية نقية تشبه أرواحكم أترككم

[المجروووح]

أشكر كل من تفاعل مع الموضوع

أختي ملاك نجد أشكرك على مرورك الرائع

واتمنى أن أرى المزيد من مشاركاتك في الموضوع

مشاركتي لهذه اليله ستكون دسمه نوعا ما

ليالي نجد

ليالى نجد مامثلك ليالي
غلاك اول وزاد الحب غالي
ليالي نجد للمحبوب طيبي
امانه نور عينى ياليالي
حبيبي لى ذكرت انه حبيبي
دريت انى حظيظ وزان بالي
على شانه تهاونت المصايب
اذوق المر لاجل رضاه حالي
والى من الزمان اشتد حره
لقيت بقرب مظنوني ظلالي
عفا الله عنه مما جاني اول
غسل حبه جميع الهم تالي


خالد الفيصل

[المجروووح]

المعاناة

ياليل خبرني عن أمر المعاناة
هي من صميم الذات ولا أجنبية

هي هاجس يسهر عيوني ولا ابات
او خفقة تجمح بقلبي عصيه

هي صرخة تمردت فوق الاصوات
أو ونة وسط الضماير خفيه

أو عبرة تعلقت بين نظرات
أو الدموع اللي تسابق هميه

أعاني الساعه واعاني مسافات
وأعاني رياح الزمان العتيه

وأصور معاناتي حروف وابيات
يلقابها راعي الولع جاذبيه

ولاني بندمان على كل مافات
أخذت من حلو الزمان ورديه

هذي حياتي عشتها كيف ماجات
آخذ من أيامي وارد العطيه


خالد الفيصل

[المجروووح]

طال السفر


طال السفر .. والمنتظر مل صبره
والشوق با محبوب في ناظري شاب

رد النظر .. خليت بالكف جمره
سعيرها في داخل القلب شباب

عز الخبر ..والمهتوي ضاق صدره
يا من يرد العلم عن هاك الأحباب

طيفه عبر ..ما أرسل مع الطيف عذره
هو خاطره من لوعتي ما بعد طاب

هو ما ذكر ..أن الجفا فيه كسره
للخافق اللي من هوى صاحبه ذاب

يا ما سهر ..طرفي على حبس عبره
اردها والوجد للدمع جذاب

دمعٍ حدر ..جاله على المنع جسره
عظيم وجدي للدمع شرع الباب

يوم وشهر .. عزاه والعمر مره
والناس واجد لكن الولف غلاب


خالد الفيصل

[السلطان]

ساعة الفرحة

يا ساعة الفرحه تشوقت للعيد

عيد العيون وعيد قلب الصبابه

رد الجمال لشوفتي يا اتلع الجيد

واسحب على حرفي لحون الربابه

حرفي بصوتك يا اجمل الصوت تغريد

يا رمز حبي هاك رمز الكتابه

يا صبح عمر فيك للعمر تجديد

وحبك يجدد كل يوم شبابه

للعين والقمرا وحسنك مواعيد

وليل الهوى شرع للأحباب بابه

ياما زعجت الصوت باسمك تراديد

وياما نسيم الوجد يمك سرابه

وياما تمنيتك على باقي الغيد

واقول مثلك يا غلا الروح ما به

ابيك تهوى مثل ما اهواك وتزيد

يا من خفوق القلب حسنك غدا به

يا قطرة الغيمه على يابس البيد

رد الحياة لخافقي يا ذهابه

[ريـّـانــة الإمــــارات]

اهـداء لكل من غاب عن ثوانـي


لايطول غيابـك ثـم اخـذ عليـه
لو تخليت عنى عنك قلبي ماتخلـى
العـذر والتعلـل والحكـي مانبيـه
من تحرك فؤاده بالهـوى ماتخلـى
طبعي الصبر لكن وش عليه ارتجيه
من طويل الصبر يعقوب وايوب ملا
دامني حي عطني وش بقي نحتريه
مابي دموعك اللي عقب موتي تهلا
مابقي بالعمر مقـدار مـاراح فيـه
كل مازل يومٍ يـوم بالعمـر ولـى
مايعرف الجمر مثل الـذي يكتويـه
احد يدفا بناره واحد فيـه يتصلـى
يامن القلب حطيتـه براحـة يديـه
مارضى له مكان غير كفك محـلا
كم تعذر وعيا عن هـوى محتويـه
لين طاح بيمينك بالغـرام وتجلـى

تقديـري لكم

[السلطان]

ليه إذا ....

حبيتك أكثـــر زدت قســــوه ؟؟
وإن دريت بحاجتي لك زدت جفــــــوه

وإن عطيتك مـــــن حياتي ما تريـــــده
ماكفاك .... وتحسب إن الحب نــــزوه

والله إني يا أحـــب النـــاس أحبـــــك
والله ان الروح لو ترضيك... فـــــــدوه

والله إني تــاركٍ غـــيرك وجيتـــــــك
مزعل الزعلان ... والعذال عنــــــــــوه

وكــل هـــاجس ما يجيب إلا خــــيالك
سلوتي بالعمر ... في صحوه وغفــــوه

أجمع إحساسي وأشواقي وأجيلــــك
وألبس ثياب الهوى والعشق كســـــوه

وأنتقي لك من سواليفي حسنــــها
والقصايد مـــــن غزلها كــل... حـــــــروه

وأنثر العبرات والضحكات عندك
او أقول إني أحق الناس... فضـــــــــــــــــوه

أدري إني عادي مافيـه... مــيـــزه
وأدري إني كادح مـاحـــاش ... كــــــــروه

وأدري إني في خريف العمر ماضي
مابقى بيــــني وبين القـــــبر... خطــــــوه

لكن إني صـــادقٍ في... ما أقولـــه
وأطلب من الله عــن الزلات عفــــــــــــوه

[ولدأبوظبي]

واحب اضيف هذي القصيده

أمـوت من فـرقـاك .. وأمـوت بلقـاك
وأمـوت من جورك ..وأمـوت بحنـانك
كلِ قـضــاه يمـوت مـرّه ويفــداك
وأنا أمــوت ألفين .مـرّه . عـشـانك
أذكــرك ..لامني نســيت إني أنسـاك
وأنســاك ..لامنّي ذكـرت انسـيــانك
رضـيت أنا بالهـم لرضـاك مـرضـاك
وارخصت لك قلبٍ جرحـتـه ..وصـانك
أجـيك في صدري عـتابِ ..وابجـفـاك
وأرجـع ألـوم الـوقت وأقـول خـانك
أحب فـيك ..احـسـاسي إني بلامــاك
في عـز خـوفي منـك احـس بأمـانك
عـجـزت أفـرق بين وصلك وفـرقـاك
ياللي عطـيت النـاس بيـدك عنـانـك
مــرً تجـيـني لين أقـول إنـي إيـاك
ومــر تروح .بـعـيـد وانـسي أوانك
أقـبل وتقـفي .. واعـتـذر عن خطاياك
وأقـول ما عـيـيـت ..عـيّـا. زمانك
وإن خــانتك دنيـاك .. أو خنت دنيـاك
إرجـع وتلـقـابي …مـكانك…مـكانك

[ريـّـانــة الإمــــارات]

ولـــد ابوظبـــي

مرحب السااع وسعيدين بانضمامك لنا

ان شاء الله تقضي وقت مفيد وممتع

اعذرني على هذه المداخلة ولكن القصيدة اللي حطيتها ماعتقد انها للشاعر خالد الفيصل .. وفي اعتقادي انها للمرحــــوم طــلال الرشيـد طيــّّــب الله ثــراه

اعذرني مرة ثانية ولكن التنويه وجب لحفظ الحقوق

ومرحبا بك مليـــون :078:

اختك ,, ريـّــانـــة